Gemini (మిథునం)
మృగశిర 2, ఆర్ద్ర 4, పునర్వసు 3 పాదములు
మృగశిర 2, ఆర్ద్ర 4, పునర్వసు 3 పాదములు
మీ పంతం నెరవేరే కాలం. మంచి ఆలోచనా శక్తి, శక్తికి మించిన పనులు చేయుట వలన కీర్తి, గౌరవం లభించును. ఆరోగ్యం, సంతానం, వివాహం, సమాజ గౌరవం మెండుగా ఉండును. ఊహించని సమస్యలు, పుణ్య క్షేత్ర దర్శనం ఉండును. వ్యవసాయదారులు కొంత మేలుకువతో లాభించగలరు. గురువులు, అధికారులు సామర్థ్యాలు పెంచుకోవలసిన సమయం. ఇక వివరాల లోకి వెళ్తే
గురుడు కళత్ర, కర్మ అధిపతి 12 (వ్యయ) / 1(తనూ)/ 2(ధన) స్థానములలో సువర్ణ, లోహ మూర్తిగా సంచారం వలన మిశ్రమ ఫలితాలు.
30/03/2025- 14/05/2025 లలో లోహ మూర్తిగా వ్యయ స్థాన సంచారం. అనారోగ్యము, నిర్భందం, ఖర్చు, దంపతుల మధ్య మనస్పర్థలు, నష్టం, దూర ప్రయాణములు, అత్యంత ప్రమాద స్థితి.
15/05/2025–18/10/2025 మరియు 06/12/2026 – 19/03/2026 లలో సువర్ణ మూర్తి గా తనూ స్థాన సంచారం. భారీ ఖర్చు, పనిలో ఆటంకాలు, అగౌరవము, ఆస్తి నష్టం, మనస్పర్థలు, అహంకారం. సువర్ణ మూర్తి, కొంత వక్ర రీతి వలన, ఇబ్బందులు కొంత వరకు తగ్గును.
19/10/2025 – 05/12/2025 లలో లోహ మూర్తిగా ధన స్థాన సంచారం. కళ్యాణ యోగం. పండుగ వాతావారణం, ఉద్యోగం, పదోన్నతి, అన్నిటా విజయం, వస్తు కనక వాహన ప్రాప్తి. కీర్తి, గౌరవం. సంతాన ప్రాప్తి. తామ్ర మూర్తి కావున ఉత్తమ ఫలితాలు.
శని సంవత్సరమంతయు తామ్ర మూర్తిగా కర్మ స్థాన సంచారం. వ్యాపార నష్టం, అధికారులు, ప్రభుత్వం నుండి చికాకులు, సంవత్సర మధ్య నుండి స్థల మార్పిడి, ఉద్యోగ అభివృద్ధి. శ్రమకు తగ్గ ఫలితములు కొంచెం ఆలస్యముగా వచ్చును. క్రమశిక్షణ అవసరము. అనుకున్న పనులు అన్నియూ కొంత ఆలస్యంగా పూర్తి అవును. చిన్న ఉద్యోగులకు శ్రేష్ఠ కాలం.
రాహు / కేతు 30/03/2025 – 29/05/2025 లలో మీనం/కన్య సంచారం, వృత్తిలో విజయం, అనుకూలం, స్థల మార్పిడి, కొంత అనారోగ్యం, తల్లికి అగౌరవము, అనారోగ్యము. తదుపరి కుంభ/ సింహ రాసులలో 9 ధర్మ/3భాతృ స్థాన సంచారం. ఆపదలు, వృత్తిలో అసౌకర్యం, కొంత ఆనందము, అపరకర్మ యోగము. వ్యాపార లాభం, కోర్టు కేసులలో విజయం, అన్నదమ్ముల నుండి లాభం, సుఖం.
మొత్తం మీద, ఈ సంవత్సరం, గ్రహముల అనుకూల/ప్రతికూల ప్రభావం చేత మిశ్రమంగా ఉండును. అధిక భాగం మీ మాటకు ఎదురు లేకపోవుట, పంతం నెరవేరుట, సంఘంలో మర్యాద ఇత్యాది శుభములు కల్గును.