నీ నీడ నీతోనే

సుఖదుఃఖాలలో నీతోడు ఎవరు నీవారు ఎవరు
నమ్మకమే ధైర్యము అనుమానమే అవమానం

వెలుగులో ఉన్న నీడ ఎక్కడుంది చీకట్లో
సుఖములో సొంతం సంకటంలో మాయమా
ఎల్లవేళలా నీతోడుండే నీడ నీకు ద్రోహం చేసినదా
నీడ కూడ సుఖసమయ అవకాశవాదియేనా

సుఖదుఃఖాలలో నీ తోడు ఎవరు నీవారు ఎవరు

నిను వీడని నీడను సైతం నమ్మలేక పోతున్నావా
వెంటనున్న నీడను చీకట్లో చూడలేకపోయావేమో
వెలుగులో ఉన్న ధైర్యం చీకట్లో భయమైనదేమో
నీడను నమ్మి కాంతి లోకి నడు నీ నీడ నీతోనే

నమ్మకమే ధైర్యము అనుమానమే అవమానం

                                      రామకృష్ణ తేజోమూర్తుల